病得重， 佢有福．．．

花門男友呢幾日都吽緊病，　到咗尋日，　終於都進入高肓狀態喇．．．

佢仲要由朝早７點幾直落到夜晚９點，　平日就已經會揹著一個沉重嘅背囊嘅佢，　仲要額外攞著個大件頭架生．．．

見佢咁唔掂，　我都已經諗住夜晚去接佢收工，　點知佢下晝再打黎俾我，　話已經真係好唔掂（聲都無埋．．．），　收咗工要由A區去B區，　睇醫生然後再返C區屋企喎．．．　雖然路程就唔遠，　不過咁樣走黎走去，　好辛苦咕喎？　

不過佢話果個夜診醫生幾好，　所以都係搵番佢睇喎．

於是，　夜晚９點零鐘，　我就去到B區車站等佢，　原本係幫佢攞著個大架生，　點知自己舞唔掂件嘢，　最後男友都係心痛（件嘢咋～～～～），　自己攞番．．．

睇完醫生，　我就豁出去喇，　一於架生我攞，　背囊我揹埋，　計埋自己個袋，　哈哈～～　幾十磅嘢揹哂上身，　仲要睇住個隨時訓低嘅人，　落車行好幾分鐘嘅路，　都咪話我唔勁呀！　嘿！

我同男友講：　如果你真係訓低咗，　究竟係踢走個架生好吖？　定係踢開你就算呢？

花門男友：　（衰衰咁，　但其實又失哂聲講唔到）　睇吓邊個值錢d囉．．．

我：　哦～～　咁一定係個架生值錢啦！　我都未試過揹幾萬蚊嘢喺身．．．　（已經啤住我喇．．．）　而且，　你個背囊喺我度喎，　係咪？

哈哈哈～～～～

＊＊＊＊後記：　我兩邊膊頭到而家仲好酸痛呀．．．　😥