糊塗旅客到大阪(一)
昨夜才開始整理行裝, 由於預計短短四日之內將歷盡陰雨晴﹑氣溫幾度至二十多度, 加上還得在高山上留連一整天, 所以要帶備很多衣物, 行李箱差不多都被塞滿了, 看來手信得要買小型一點才行嘍~~
今次是乘搭下午的航班, 在陽光普照的正午出門, 感覺有點怪怪的。 (印象中, 我幾次旅行都是摸黑出門的。) 而且以前開往東涌碼頭的船已經沒有了, 只能乘搭我最討厭的機場巴士到機場, 路途曲折又遙遠, 是乘飛機的另一種折磨。
到了機場, 才不過一時多, 我們找個地方從行李拿出厚厚的大衣, 然後我就想好好的歇一會, 只見花門男友顯得有點心急(奇怪咧? 四時才起飛, 急什麼嘛~~)。
原來我錯了, 是三時起飛才對! 😯
不是吧?! 訂行程的是我, 研究交通接駁的也是我, 為什麼我會一直記著是四時起飛的呀!
哇哈哈~~ 接下來的日子, 真的不敢想像...
連忙到櫃台辦理手續, 再到Burger King吃個午餐, 就已經要入閘了。
久未出門的我倆, 入閘後才發現要把隨身所有的電子產品拿出來檢查(其實是我從未試過帶電腦出門, 根本不會留意。), 結果排隊時一直掏背包, 手提電腦﹑數碼相機﹑手提電話﹑鑰匙和硬幣等等, 通通都要拿出來, 還要拿著還未能穿上的大衣, 當時我真的有夠狼狽的了。
檢查過後, 又得小心翼翼的塞回背包裡去, 大概是東西太多, 我花了很多時間, 花門男友說他先到海關排隊, 吩咐我隨後趕上。 (哦~~)
轉身過去, 只見他在近乎盡處的櫃台前排著隊, 排在附近的都是外地遊客, 我心想:真的找不到e道嗎?(因為出發前曾經告訴他機場好像已經可以使用e道過關的了, 到時要留意。)
當我走到花門男友面前時, 剛巧有位外地遊客走過來, 於是就排在我前面, 我一直排著隊, 一面四處張望, 可是從密集的人龍望過去根本就看不到e道在哪... 我怕走過去找, 若然要回頭時就得等更長的時間, 唯有就這樣子等著。
果然, 在我前面的那位外地遊客, 真的花了十多分鐘都未能過關, 眼看都快要遲到了, 幸好不久後終於都到我了。
我一上前, 關員先生就悄悄問我為什麼到這裡來排隊, 又悄悄地告訴我只要使用e道過關就不用排隊了, 我只好打個哈哈, 扮作甚麼都不懂, 傻傻的混過去就算了。 (原來關員先生跟花門男友都說了同一番話。 可惡啊~~ 為什麼不即時告訴我呀!!!)👿
然後我們就用跑的, 一鼓作氣跑呀跑, 一直跑到閘口, 趕上成為全機最後的幾位乘客之二...
好似去冒險多啲 — 驚險、刺激!
哇哈哈~~
係呀~~
返到黎都算係咁囉…
(p.s. 其實呢個reply我之前用咗reply via email呢個功能o架, 不過過咗成日都唔見出到嘅? 妳有冇收到呀?)
從來都冇喎,點解呢?
我而家估可能係我喺email度回覆時,
用咗果度d icons,
所以wordpress出唔到囉.
不過後來再試,
d中文字就變哂怪獸. 😦
哈哈~lee輪忙,小0左過0黎你lee邊~
等我慢慢睇下先~~
原來你同花月男友去0左日本~so happy呀~
不過你又烏龍d,點解會見唔到e道0架~hehe
都知妳忙啦~~
係唔知妳忙咩喜事啫.
哈哈哈~~~~
我…
信任佢吖嘛…
諗住佢真係有搵過E道喺邊嘛…
點知啫~~
我唔係結婚~
計過大家都想買樓先~
宜家要努力儲錢~
SO我估LEE幾年都無得去旅行啦~嗚嗚
唓~~~~~
我估得妳結婚就都包埋妳要買樓o架啦!
恭喜呀!
為咗將來,
而家唔怕捱吓先啦,
想去玩咪慳慳地玩囉,
我今次去日本,
budget都「練」到盡一盡o架!
哈哈~拎晒D錢去買樓~
已經無晒我地D錢啦~哈哈
SO要再儲過先會考慮結婚LEE家野~HEHE
去到我又迷失0架啦~SO唔去就唔會有事~HEHE
已經買咗嗱?
幾時住得先?
買樓真係一個大project,
大把錢要洗,
希望妳同佢快d儲番多d,
早日完成「大家嘅心願」啦!
係喎係喎,
妳真係好易會迷失咕喎,
都係要搵人睇實妳先得.
哈哈哈哈~~~~
係呀~買0左啦~
不過我地會租比人先~
1,2年後可能先會住返~
哈哈~你地好想我嫁咩~你又唔嫁~hehe
係呀~so我唔去啦~
下次去話聲我知~幫我買下野麻~呵呵~
嘩~~
買樓收租做包租婆咯喎~~
真係唔可以睇小妳喇!
咁樣就快好多可以儲番錢啦.
係o架,
大家都想妳快d嫁o架!
哈哈~~
我有諗過問妳買唔買嘢o架,
不過妳都見啦,
我都係3個禮拜前決定去旅行,
原先又預計只得一個下晝shopping,
驚應承咗妳又買唔到,
好衰女o架嘛…
哈哈~講笑咋~都唔想你為0左幫我買野阻住你地行程~
不過你地又真係急0左D~3個星期前先決定~HEHE
唔好笑我啦~其實係因為連租盤咁未不如順理成章咁租比人先啦~
咁我地又真係可以快D儲返D錢先~
講真,真係無咩安全咁呀~
咁我地又唔係真係咁急住住,咁等快D儲下錢先啦~
希望你哋遇著個好租客啦~~
期待妳新居入伙,
睇吓妳點搬妳果d雜物呀.
哈哈~~
我哋計劃去shopping果日,
真係無咩mood買嘢呀.
一邊睇一邊笑到我傻呀~
你地做乜咁鄉里架~
btw, 我最憎用e道
唉..我次次用親都過唔到關
上次入境又係咁..俾人眼望望呀~!
我諗我一係換個張証再打過指毛先至得啦!!
鬼叫我哋成兩年都無出城咩,
係咁上下o架喇,
睇開d啦…
哈哈哈哈~~~~
我返黎果陣用e道就ok喎,
反而喺日本印指模果陣就出咗事,
嘻嘻~~
應該唔關做身份証果時嘅事喎,
係咪妳過親關果陣,
咁「橋」d手指都有汗呀?