花門.花園項目
自從一心要讀番個學位之後, 本來一片繁盛嘅花門蔬果園, 就開始漸漸凋零, 之後仲荒廢咗一段好長嘅歲月.
畢業後, 一直都想重建番個小花園, 只可惜有個問題解決唔到, 就係要搵一大堆 — 泥.
買化學泥種花, 或者用黎發芽就無問題, 用黎種蔬果就唔夠肥喇.
但係, 我又唔敢去村口度挖泥返黎用喎...
於是, 拖吓就一季, 拖吓又一季, 直到花門姊要搵人收養佢種咗好幾年嘅植物...
嘩哈哈~~ 我當然係義不容辭啦~~
今日終於有貨收喇, 仲好大規模tim呀!
[rockyou id=83512057&w=480&h=360]
唔只有好多盆香草, 仲有好大埋好肥沃嘅泥, 花門姊仲收割咗好多好大支嘅香茅俾我呀. (其實佢之前都俾咗一盆香茅我種o架, 不過因為無泥, 分唔到盆, 所以種極都係細細支咋... 嘻嘻~~)
等我考完試, 就會正式動土, 幫呢d盆栽扮靚靚, 俾個好d嘅「家」佢哋o架喇~~
努力呀!!
我又要返屋企先至睇到喇…
點解你有咁多唔記得個名…..
仲有有盆"九層塔" 之後果張, 係咩黎架??
你屋企有天台, 種野都方便好多啦~~~
haha..香芧..我媽咪就最鍾意啦,話用黎煮"送"好好味喎^^
如果我第二時間屋都有位比我種野, 我都會去學架.
勁呀~~~
咁多種既~~~
你真係好心機喎~~~
我無覆你email 咩?
跳片即係一張一張, 無fade out 咁, 睇得比較辛苦!
我都有種過香茅,結果真係「香」晒!
我唔知原因,只知,帶它回家不久,就死了!