無奈
無論係Chat Room, Email, 留言版, 甚至最原始嘅書信往來, 花門總係有來有往, 直至一切塵埃落定.
因為我覺得, 人哋問我嘢又好, 同我分享一樣嘢又好, 如果我一d表示/回應都無, 其實, 果個人都幾慘...
當然, vice versa啦.
而我份人又多顧慮, 見自己留咗message俾一個人一排, 都無回應嘅話, 我就會諗: 係咪我講得太廢呢? 定係對方根本唔想同我對話?
呢個時候, 假如我仲係咁撩佢, 咁咪攪到人囉? 唔通對方已經 ”嬲我又唔知, 話我又唔好意思”好耐?
咁... 我諗我都係收歛吓先...
唉~~ 但係遇着一定要問問題, 而又得唔到回覆, 咁又點好呢?
好唔好再問多次呢? 問多次又好似好煩, 但唔問就咩都follow唔到咕喎... 😦
唔係話我嘛? 我有來有回架. 哈哈.
如果有一日我唔覆你, 你唔駛怕架喎, 問多我一次丫. 我失憶架有時….
=p
哇!想得太多了吧!有時候,不知怎樣回也說不定呢!別擔心,我一定回回回!
死啦~~~會唔會都係講我呀~~~等我睇下有無野留0左無覆先~~~~~hehe
睇黎, 朋友仔有d誤會喎… (嘿! 都話我唔識講嘢o架啦…)
你哋當我純粹分享就得o架喇, 唔好一路睇一路對號入座, 搵到個似似地嘅位, 就認定我係講緊"你".
其實我有感而發, 都係因為呢個情況, 已經持續咗好耐, 喺好多大大少少嘅事上, 有唔少人都係咁.
我唔係怪人哋唔理我, 我只係唔肯定人哋點諗, 然後唔知點做果吓, 個人真係好迷茫, 我又唔知對方係咪果種: 無反應=no 嘅人…
如果我諗住係"咁咁咁", 但原來事實上又唔係, 咁… 幾無謂呢?
所以呢做人要平常心,唔好諗多,前幾年呢我都成日諗我點對人,人點對我~~但係自己諗,人地點諗你係控制唔到0架~~做好自己本份,過到自己果關,唔好理佢係點點點,會唔會理你啦~~咁做人就會開心D呀~~
你係唔係講緊讀書果D野呀~~
咁又係~~有時做人就係咁無奈0架啦~~睇唔開真係成Q日會唔開心0架…
哈哈~~SO你都係用平常心啦~~人都會開心D0架~~~