童心童話

跟兩隻小鬼一起買生日禮物之前, 花門姊和花門大妹先帶了他們去爬蟲館遊玩, 我隨後才趕到會合眾人。

花門: b哥呀, 其實d爬蟲原本都住喺非洲呀﹑沙漠o架啦, 都唔怕熱嘅, 點解呢度要搵個箱困住佢, 然後又要開咁大冷氣呢?
b 哥: 所以個箱裡面咪有溫度調節囉~~
花門: 我知吖~~ 我係想問, 點解個館要開咁大冷氣, 其實佢唔開冷氣, 咁d箱就唔駛開暖氣啦, 咁咪得囉...
b 哥b 妹: (即刻搶住答)咁咪會熱死我哋囉!!
花門: 哇~~ 唔係呀?! 得果三十幾度之嘛, 邊熱得死你哋呀?

只見b哥b妹若有所思, 欲言又止。

↔      ↔      ↔

之後來到玩具店, b哥b妹興奮地選禮物, 不過就一點也沒有因此而忘形。

b 妹: 呢個幾錢o架? 哇~~ 超過百五蚊喎, 唔買得呀!
(吓???)

原來, 花門嫂早就下了旨, 叮囑B哥不可以買超過一百五十塊的禮物。

於是, 兄妹倆在店內團團轉, 每當發現心儀的玩具, 都必先查問價格, 不合格的就通通放下, 義無反顧。

直至看到了一盒戰車模型, 俘虜了b妹的心, 偏偏就通過不了兄妹倆的價格測試, 然而B妹又捨不得放手...

花門姊: 唔怕啦, 呢份當係送埋俾妹妹嘅, 咁咪唔算超過百五蚊囉~~ 我哋一陣仲可以問人攞折o架嘛, 又會平d o架!
(小兄妹登時雙眼發亮, 充滿希望!)
b 哥: 攞折? 咁即係會平幾多呀?

b妹滿心歡喜地捧著那盒模型, 才走了幾步, 就已經向b哥獻計如何以手上的玩具玩戰爭遊戲了。

終於選好了玩具, 一起去收銀處, b哥忙不迭轉過頭來再問:
我哋而家係咪去問人攞折o架?

哇哈哈~~ 真的很煩人哩! 比專門格價的太太們更鍥而不捨! 花門大姊為了讓b哥放心, 就一個箭步去收銀處找人幫忙了, 我帶小兄妹到門外處等候, 不過他們都沒有放鬆, 一直很心急地在張望著, 直到接過了玩具才再露笑容。

↔      ↔      ↔

今天的生日會主角除了b哥, 還有花門媽﹑花門姊和花門孻妹。(後來才知道, 原來花門姊夫也是當月壽星!)

花門嫂預備了天使蛋糕, 附有巧克力漿, 可以在蛋糕上面寫字, 花門嫂排資論輩, 先寫上花門媽, 然後到花門姊, 寫完了「姑」字, 正在繼續的時候...

b 哥b 妹: 姑乜鬼呀?!

😆

Posted on 13/09/2009, in 花門氏宅. Bookmark the permalink. 發表留言.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: