b妹約我...

來電顯示是由花門哥的手機打過來的...

b 妹: 喂? 妳黎唔黎飲茶呀?
花門: 妳係邊個呀?
b 妹: 咪我囉...
花門: 吓? 即係邊個呀? 妳係哥哥定妹妹呀?
b 妹: 哈哈哈~~ 我係妹妹呀!
花門: 哦~~ 咁妳搵邊個呀?
b 妹: 咪妳囉...
花門: 咁即係搵邊個呀?

(一如以往, 還是要問過很多次, b妹才正正經經的說要找哪位... 囧 )

花門: 係邊度飲茶呀?
b 妹: 喺XX樓.
花門: 邊度黎o架?
b 妹: 唔知呀~~
花門: 吓? 唔知? 咁我點黎呀?!
b 妹: 我都唔知呀... 吖~~ 有電器賣果度囉!
花門: ... 咁即係邊度呀???

(哈哈哈~~)

花門: 有冇叫爺爺嫲嫲一齊去o架?
b 妹: 有呀~~ 而家姑姐帶緊佢哋黎... 不過, 爺爺唔黎呀, 佢話好攰喎.
花門: 係呀, 咁妳飲完茶就帶d嘢食俾爺爺啦.
b 妹: 唔知o架, 唔知會唔會o架...

(又唔知?)

花門: 飲完茶會唔會去街呀?
b 妹: 唔知o架, 可能會, 又可能唔會啦... 一係就送嫲嫲返咗屋企先去, 一係就帶埋嫲嫲一齊去都一定o架.
花門: 又或者返去接埋爺爺先一齊去街都得喎, 爺爺抖咗咁耐都唔會攰啦~~
b 妹: 唏~~ 唔會o架! 爺爺「好攰」係因為要行好遠黎飲茶所以佢會「好攰」, 唔係佢真係「好攰」呀!

(吓? 呢樣咁難明妳又會知嘅?!)

Posted on 31/08/2008, in 花門氏宅. Bookmark the permalink. 3 則迴響.

  1. 哈哈~
    好衰成日都玩B妹~HEHE

    我無玩佢喎…
    得佢講無我講咁滯呀.
    😉

    C

  2. 「爺爺『好攰』係因為要行好遠黎飲茶所以佢會『好攰』」呢句好勁,好了解爺爺咁! 

    係…
    真係好勁,
    我果吓都差d搭唔到嘴…

    C

  3. “爺爺『好攰』係因為要行好遠黎飲茶所以佢會『好攰』" 好難明…..

    係呀哩~~
    所以真係服咗佢.

    C

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: