哥唱妹隨

花門家幾經混戰, 終於數日前臨急拍板決定 — 今日為b妹開生日會暨父親節聚餐.

而又在溝通極其混亂的情況下, 花門三姊妹終於得以聚首, 帶着b妹b哥, 到人多擠迫的商場選購生日禮物. (為什麼b哥也會跟着來??? )

人說「女人心 海底針」, 今天一直跟b妹打交道, 完全體驗了箇中奧秘...

與b妹會合之後...
花門: b妹, 我哋去邊度先呀?
b妹: 去反斗城先!
花門: 反斗城有冇圖畫故事書賣o架? 
(今早b妹決定了, 我可以送圖畫故事書給她.)
b妹: 咁去書局先啦!
花門: 唔... 咁我哋去書局先o架喇.
b妹: 吖! 都係去反斗城先啦!

甫入店內...
花門:   b妹, 妳睇吓妳想要咩禮物啦.
b妹:   ... (轉身向花門大妹) 姑姐, 妳買咗「爛瞓狗」未呀?
花門大妹: 買咗啦~~
(b妹一副放下心頭大石的樣子, 才剛吁出一口氣, 正開始迷惘之際, b哥就躍動起來.)
b哥:   妹妹, 妳睇! 要呢個吖~~
(b妹隨即走過去, 拿起了其中一件, 我們一看, 原來那邊是一幅掛滿男孩子玩具的層架.)
花門:   喂~~ b哥, 而家係妹妹生日喎...
花門二妹: 係啦... b妹, 我哋去睇d女仔嘢啦.
(b妹還是再多看了兩眼, 才跟我們到另一邊去.)

毛毛玩偶陳列架前...
b哥b妹: 嘩~~ 我要呢個~~
(於是, 一人抱住一隻毛毛老虎不放.)
花門: b妹, 妳真係鍾意呢個?
b妹: 係呀!
花門: 唔... 咁好啦, 姑姐幫妳攞住先, 妳睇第二份啦...
(兩兄妹又展開另一場混戰.)
b妹: 姑姐, 我要呢隻羊呀!
花門: 啊... 又係毛公仔, 咁仲要唔要隻老虎呀?
b妹: 唔要喇, 我要呢隻羊呀!
花門: 真係唔要? 諗清楚未o架?
b妹: 係呀, 唔要喇, 我要呢隻羊呀!
花門: 唔... 咁好啦, 姑姐幫妳攞住隻羊啦, 妳睇第二份啦...
(如是者, 幾乎換遍整個森林的動物, 最後才選定了熊熊.)

為了要儘快完成買禮物任務, 我派出花門大妹負責支開b哥, 我跟花門二妹左右護法b妹選禮物.
當b妹看到了一件玩具, 就嚷着要找b哥來看.
花門: 妳想同埋哥哥一齊玩呢件玩具呀?
b妹: 唔係呀.
花門: 唔通妳知道哥哥會鍾意呢件玩具?
b妹: 唔係呀, 我淨係想哥哥都睇吓之嘛.

最後, 經歷了無數次b妹見一個愛一個, 愛一個又嫌棄先前那一個, 問多兩問又重新再愛先前那一個之後, 終於, 選了兩份禮物, 可以轉戰書局買圖畫故事書了.

才走進書局... 
b哥:   (又來了~~~) 妹妹, 我帶妳去買xx書吖~~
b妹:   (站住, 高聲說) 你唔好以為你鍾意咩我就一定會鍾意咩先得o架!
花門大妹: 哈~~ 妳係先好講喎, b妹.

結果呢, b妹真的自己選了幾本圖冊, 可是也忍不住向b哥報告...

Λ    Λ    Λ

其實, 在購物前, 花門大妹跟我通電話訴苦...

花門大妹: b妹呀, 哥哥鍾意咩佢就鍾意咩o架喇, 今年又係要超人蛋糕呀. 
花門:   哈哈~~ 無計啦, 呢d係大佬阿嫂培訓佢哋咁o架嘛, 呢個世界只有佢哋兩兄妹o架咋~~
花門大妹: 最弊係b哥無鬼用嘛, 第時b妹大個真後悔呀! 「哎呀~~ 點解會崇拜個咁嘅哥哥o架?!」
花門:   哈哈哈~~ 

 

Posted on 22/06/2008, in 花門氏宅. Bookmark the permalink. 3 則迴響.

  1. 但係某程度上都幾 sweet 丫. 妹妹有個哥哥可以崇拜; 亞哥又有個妹崇拜自己……要感情好好先得架.

    我都恨有個亞哥……

    只有無嘅人,
    至會恨有嘅啫…

    花門大妹應該係希望b妹可以有番自己嘅想法,
    又或者,
    佢感同身受,
    唔想b妹重蹈佢嘅覆轍呱…
    XDXDXDXDXDXDXDXD

    C

  2. 其實….花門大哥係咪最大呀?
    跟住就係你地3 個妹??

    花門哥係最大,
    我仲有花門姊﹑花門三妹同花門孻妹o架~~

    C

  3. 可能b妹重細啦~
    咁佢又同哥哥咁要好~
    我估再大個dd就唔會有lee個情況呀~

    哈哈~你見我有3個呀哥我宜家都唔會崇拜佢地你就知啦~呵呵~!!

    希望啦,
    b妹而家好男人頭呀…

    妳唔駛崇拜啦,
    佢哋錫到妳燶就有.

    C

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: