走雞

於魚一丁飽餐一頓, 示意服務生替我們結帳過後, 我和男友正在研究該用哪一張信用卡付款...

突然, 我身後傳來一陣騷亂的聲音.

我朝後面望過去, 原來是一位服務生打翻了托盤上的飲料, 水花剛好落在我們這張六人飯桌的另一端.

「幸好沒有打破杯子, 應該沒有人受傷吧.」 我是這樣想, 然後就回過頭來, 繼續我跟男友的研究...

花門男友: 妳有冇事呀?
花門: 冇呀~~
花門男友: 妳真係冇事? 有冇整到妳件褸呀?
花門: 吖... 係喎~~

這時, 我才想起我掛在椅背上的白色夾棉外套, 摸一摸衣袖, 果然有幾滴水花濺到過來了.

與此同時, 一位看來像是店長的人物就趕緊過來.

店長: 小姐, 有冇整到妳呀? (又跟那位服務生說) XX, 你先睇吓小姐有冇事先.
花門: 冇事... 不過, 果d係咩黎o架?
店長: 係梳打水黎嘅, 真係唔好意思呀, 小姐. (又跟耳機說話) XX, 你快d攞d紙巾過黎, 攞多d!  
花門: 啊... 都好彩, 唔係有顏色嘅... 哎~~ 原來後面都仲有!
店長: (趕忙的抺抺抺)(又對耳機說話) XX, 你快d攞個椅套過黎.
花門: 呀, 唔駛喇, 我哋埋咗單走o架喇.
店長: (又對耳機說話) XX, 小姐話唔駛喇.

期間, 店長和服務生連連道歉, 而一陣忙亂過後, 我終於可以回頭看看我的男友.

花門男友: 妳點呀? 真係冇事?
花門: 無事啦~~ 好彩你啱啱買果件貴嘢放咗喺你果邊啫, 如果唔係... 哎呀!!
花門男友: 嘿!

(可想而知, 我們同時間想著同一件事!)

花門: 係唔係應該叫佢哋計個VIP價o架?! 咔咔咔~~
花門男友: 嘿! 妳而家先諗起? 乜妳咁蠢o架?!
花門: 哎呀~~ 真係無諗過喎...
花門男友: 我都已經一路問妳有冇事o架啦, 咁妳都唔醒目o架?!
花門: 哈哈哈~~~ 係喎, 比唔到9折, 都應該免收加一啦, 哈哈~~ 經理呢?

(... 經理不見了, 而且, 賬單也來了.)

離開時, 服務生們都走過來再一次致歉, 而我和男友, 一步出門口, 就一直嘻嘻哈哈笑個不停, 互相啕侃指責對方...

花門男友: 真係睇唔出妳咁唔醒目喎...
花門: 咩啫, 呢d嘢梗係你做o架啦~~ 你應該發哂爛喳, 話要咁要咁, 然後我就做好人, 咁人哋先會受o架嘛, 你都唔識做戲嘅, 唔掂呀你!
花門男友: 妳都傻o架, 呢d嘢梗係女仔先long lai o架啦, 男仔嘈邊有人理o架?! 我都已經俾哂signal妳o架啦, 係妳get唔到之嘛...
花門: 咁你咪更加應該做場大戲囉! 我一定會配合你o架嘛!
花門男友: 蠢就蠢啦妳~~

(Ok, fine. 下刪一整晚類同的對話!)

哇哈哈哈~~~~~~~

後記:

其實, 六人飯桌的另一端, 原本是坐着跟我們同時進場的一對客人的.
幸好, 事發時, 她們剛好結帳走了.
因為, 水花, 是正正的倒在那個座位...

 

Posted on 02/02/2008, in 食住黎睇. Bookmark the permalink. 10 則迴響.

  1. 哈哈哈~
    最緊要個人無事啦~
    哈哈~花門男友又幾過癮喎~哈哈~

    不過如果比我都可能會問有無折~
    反正都係之麻~HEHE

    (喂喂~請問你係唔係重有用水份同深層果隻MASK呢~
    我祝之都用完我家果D啦~睇下你重有無其他好介紹^_^)

    咁…
    我當時真係無諗過呢樣嘢嘛…
    哈哈哈~~~

    (係呀~~
    個水份mask真係好用,
    補水之餘,
    我唔小心曬親塊面痛痛地,
    搽吓佢都會舒服番哂,
    最緊要係佢可以做埋sleeping mask,
    所以我平時點敷都唔怕過鐘!
    佢仲無埋油份tim,
    啱哂妳啦~~

    而個cleansing mask對我就好好,
    除咗清潔力強之外,
    仲唔會整到我塊面好乾,
    不過妳本身油性皮膚,
    就未必感受到呢樣嘢lu.)

    C

  2. “真係睇唔出妳咁唔醒目喎"
    –>乜咁夠謄咁講呀!! 想屎呀~~~haha~~

    咪係?!
    點攪掂佢好呢?
    豆姐有咩好提議呀?
    XDXDXDXDXDXD

    C

  3. 哈哈~算啦~
    lee d野都係唔好"恨"有下次啦~係唔係~hehe

    哈哈~你講到咁好~
    我都有d心郁郁~
    係唔係有得平呀你~
    快d講比我知~hehe
    不過佢d野係唔係都唔平0架~???

    Touch wood啦~~
    大家都唔好有「下次」,
    我估果位服務生當時應該好驚tim呀.

    係呀,
    好似加過價…
    2隻mask都過3百,
    所以我都望佢快d有promotion呀…
    妳去faces果間,
    用我電話號碼就可以有9折, (其實係faces咭優惠)
    我問過d sales,
    佢哋話可以咁樣o架,
    另外妳記住開番張咭儲印花,
    儲夠唔知幾多就可以當cash用o架.

    C

  4. ok~等我出開tst就去睇睇先~
    用你個電話no.就ok呀~hehe~thxthx~

    睇下試下d質地先~
    如果係買一支你估佢會唔會比另外果隻sample我試拿~hehe((又婆仔上身啦)~~hehhe

    呢個就難講喎…
    聽聞呢間d sales麻麻地,
    (因為我上次係喺roadshow果時買o架!)
    不過妳都可以問吓吖,
    或者妳會遇着個好人嘅呢~~

    C

  5. 哈哈哈~睇下我好唔好運啦~
    我頭先都搵返你之前講果個post0黎睇~hehe
    我估我會試下~hehe~
    不過唔知會唔會買晒兩支呢~???hehe

    如果係去shiseido,
    我就肯定妳會買哂…
    仲可能有突tim…
    XDXDXDXDXD

    C

  6. 不過比著我, 我都未必會問喎….係一定唔會記得問.

    你同kiki 講緊 aveda??

    哈哈~~
    咪係~~
    呢d應該係個店長自己提出o架嘛~~

    係呀.

    C

  7. 喂喂, 咩eye cream 好用呀???

    想點好用法呢???

    C

  8. 我想去乾紋啦….保濕啦….最好可以去埋黑眼圈啦 (不過我知呢個實唔得) hehe.

    如果有咁好用,
    我都想要呀…

    FYR:
    貴嘅,
    就menard($6-7xx),
    頭個零月都幾好效果,
    之後就唔會再有驚喜;
    平嘅,
    就kiehl’s men($2xx),
    我用過一包sample,
    覺得好用過好多牌子;
    而我而家就想試isa knox金色果支,
    覺得質感好好,
    不過就唔知好唔好用.

    C

  9. 有人話neostrata 既好囉, 我諗緊好唔好試.
    有無聽過?

    無認真研究過.

    有冇去counter試咗先?

    C

  10. 佢無 counter 架……所以, 我都唔知點好喇.

    吓…
    咁貴唔貴先?
    如果貴就最好搵到人夾,
    平既就…
    妳諗喇.

    C

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: