3回合

第一回合

(花門三妹帶了黑面小兔回家, 晚飯前家人用布蓋着寵物籠子, 我與b妹圍坐着籠子旁邊加開的小餐桌等開餐...)

花門: 不如我哋同兔仔玩吓先吖~~
b  妹: 唔好! 唔好呀!
花門: (有d錯愕) 點解呀?
b  妹: 隻兔仔... 耳仔黑蚊蚊, 塊面又有好多黑蚊蚊, 好乞人憎呀!
花門: 吓? 咁妳d頭髮夠黑蚊蚊, 對眼又黑蚊蚊啦...
b  妹: (搶白) 唔同o架, 佢係有好多黑蚊蚊o架, 咁樣先至係乞人憎... (指住我) 妳件衫就黑蚊蚊...

(此時, 一身深色衣服的花門嫂走了過來, 坐在我和b妹之間.)

花門:  咦? 咁媽媽成身都黑色喎, 咁媽媽係咪都好乞人憎呀?
花門嫂: (即時抗議) 我件衫係深藍色啫.
b  妹:  唔係o架, 件衫唔算o架!
花門:  咁妳d頭髮同對眼...
b  妹:  (伸手去抱媽媽) 唔准講人o架! 咁樣話人無禮貌o架~~ 唔可以咁樣話人o架~~

第二回合

(其實, 剛才花門嫂走過來的時候, 正喝着一罐可口可樂.)

花門:  咦? 媽媽飲可樂喎, 妳飲唔飲呀?
b  妹:  呃~~
花門:  又會唔飲汽水嘅?
花門嫂: 係o架, 佢唔飲汽水o架.
花門:  咁乖? 點解嘅? 
b  妹:  d可樂辣o架!
花門:  吓??? 可樂邊度辣呀? 因為個罐係紅色呀? (小兄妹最怕辣, 一見飯菜有紅色物體, 就認定是辣椒, 總之就是辣!)
b  妹:  係呀! 唔信妳飲吓吖~~ 媽媽話d可樂係辣o架!
花門:  (收到, 明白.) ... 我就話檸檬茶先至辣呀.
b  妹:  唔辣o架! (一個很喜歡喝維他檸檬茶的小朋友抗議的說.)
花門:  咩唔辣呀? 妳睇~~ (從雪櫃取來一包檸檬茶) 成包都黃色o架, 黃色係咖哩嘛, 咁仲唔辣? 
b  妹:  (笑笑) 唔辣o架! 佢都唔係得黃色啦, 仲有其他色o架嘛!
花門:  但係黃色係最多喎!
b  妹:  (有點焦急) 都話唔辣咯!
花門:  辣o架!
b  妹:  (越講越大聲) 都話唔辣咯!! 唔信妳飲吓吖!!! (拿起檸檬茶, 向桌面拍了一下)
花門:  (也跟着越講越大聲) 好吖~~ 妳飲可樂, 我飲檸檬茶, 睇吓邊樣辣d吖??? (將可樂放到b妹面前, 檸檬茶放到我自己這邊.)
b  妹:  妳飲吖~~
花門:  妳飲我就飲~~
b  妹:  ... 哇~~ 媽媽呀~~ (又伸手去抱媽媽)

第三回合

(晚飯尾聲)

花門姊: 係喎~~ 妹妹, 妳咪成日都話d食物係耶穌整俾妳食嘅...
b  妹:  (眼仔碌碌) 係呀, d食物係耶穌整o架!
花門姊: 但係... 今次d餸係花門姑姐買番黎咕喎... 
b  妹:  (急急發言) d餸都係耶穌整俾花門姑姐買o架! 買咗番黎先有得煮!! 如果唔係都無得食o架!!!

Posted on 15/12/2007, in 花門氏宅. Bookmark the permalink. 3 則迴響.

  1. 嘩哈哈….你好衰呀, 整鬼 b 妹.

    哈哈~~
    最尾果個唔係我喎!
    而且,
    我邊係整鬼佢呀?
    佢撩我先咋嘛…
    XDXDXDXD

    C

  2. 哈哈~你睇下小朋友幾可愛同天真~hehe

    果晚我真係俾佢笑死o架…

    C

  3. 咁都係有你份丫…..

    Well…
    都話係佢撩我咯!

    C

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: