我是小小蠟燭~~

b  妹: (喺房度大嗌) 花門姑姐! 妳快d入黎啦!!!
花門: 咩事呀?
b  妹: 快d黎睇啦~~ 我唱歌呀~~

(入到間房)

b  妹: 都叫咗妳快d o架啦~~

(原來, b妹想俾我睇佢果場聖誕歌舞表演嘅錄影片段.)

b  妹: 哈哈哈~~ 呢個咪係我囉~~ 見唔見呀? 呢個呀~~ 哈哈~~ 呢個呀~~

(因為花門哥拍到好「王家衛」, b妹要不停咁跟住個鏡頭移動黎指示我哋各人睇住邊個係佢.)

~~ 我是小小蠟燭~~ 天天放光亮~~

花門:  嘩~~ 大佬, 做咩影到咁o架?
花門哥: 要偷影吖嘛... 我又未去過呢個hall, 點知咁大喎.
b  妹:  (好認真地) 係 香港 浸會 大學 會堂 呀!

~~ 我是小小蠟燭~~ 天天放光亮~~

花門媽: b妹, 妳咁大力嘅? 妳唔怕會打親其他小朋友呀?

(b妹要重覆做推手...即係放光亮...呢個動作, 而佢真係好明顯係推得好用力.)

b  妹:  唔會o架! 其實我哋企到好開家嘛~~

~~ 我是小小蠟燭~~ 天天放光亮~~

花門媽: 蝦~~ 點解b妹妳咁矮o架?
b  妹:  唔係呀~~ 妳睇~~ 因為呢度有舊嘢, 遮住咗我對腳(板)之嘛...

(b妹以為花門媽講緊點解螢幕上嘅b妹會短咗...)

~~ 我是小小蠟燭~~ 天天放光亮~~

花門: b妹呀, 首歌係咪6節都係唱 我是小小蠟燭~~ 咁o架?
b  妹: 唔係o架, 次次都唔同o架.
花門: 咁妳又要做蠟燭...(我原本係想問佢點記得哂d歌詞...)
b  妹: (搶白) 我都話我唔係蠟燭咯! 我係光呀! (做埋推手動作) 呢兩個先係蠟燭呀! (手指住螢幕) 嗱~~ 佢哋個頭戴住頂帽, 呢d先係蠟燭呀~~

~~ 我是小小蠟燭~~ 天天放光亮~~

花門: 嘩~~ b妹, 呢個小朋友邊個黎o架, 肥嘟嘟喎, 成個波咁.
b  妹: 哈哈~~~ 係呀, 佢肥嘟嘟o架~~

(蝦~~ 人哋話妳肥, 妳就喊哂口...)

花門: 呢個小朋友好得意呀~~ 妳識唔識佢呀? 叫咩名呀?
b  妹: 識~~ (但都要諗咗一陣) 佢叫xxx吖嘛~~

~~ 我是小小蠟燭~~ 天天放光亮~~

晚飯後, 同b妹玩玩吓遊戲, 佢隨手攞個Winnie the Pooh毛公仔想襲擊我, 我一手搶走咗, 仲捉住阿Pooh拋黎拋去, 扮b妹唱歌跳舞... 我是小小蠟燭~~ 天天放光亮~~ 

哇哈哈~~ b妹又想一齊唱o架, 不過就一直都笑到唱唔到呀!

咁喳o架, 出年都係等阿Pooh上台表演啦!

😆 😆 😆 😆 😆 😆 😆 😆 😆 😆 😆 😆 😆 😆 😆 😆 😆 😆 😆 😆 😆

Posted on 15/12/2007, in 花門氏宅. Bookmark the permalink. 8 則迴響.

  1. B妹看來是個可愛透頂的小可愛!扮小蠟燭一定笑死人!

    哈哈哈~~
    妳提醒咗我!
    我總係形住仲有一件事未講,
    就係b妹話…
    佢其實唔係蠟燭黎o架!
    XDXDXDXDXDXD

    C

    p.s. 加番先~~

  2. 哈哈哈~
    B妹好攪笑~
    我都話B哥同B妹比到好多歡樂你0架啦~哈哈~
    真係…哈哈

    喂…
    我都有俾歡樂佢兩隻小鬼o架…
    XDXDXDXDXD

    C

  3. 吓,咁佢係咩?

    我加咗果段對白喇…

    話時話,
    我睇片都唔係好明白,
    點解佢哋做「光」果d小朋友要企定定,
    反而做「蠟燭」果d小朋友就會四圍走…
    😛

    C

  4. b 妹好肥咩? 我又唔覺喎, 係 b 哥瘦唶.

    你地成日塞住 b 妹…..嘩哈哈~~~~

    咪就係b哥成日笑妹妹肥囉…

    吓????
    咩呀?
    咩「塞」住妹妹呀?
    點解o架?

    C

  5. 即係唔比佢講野呀.

    但係…
    而家係佢唔俾我哋講嘢多d喎…
    真係1句頂10句o架!
    XDXDXDXD

    C

  6. b 哥自己瘦就話 b 妹肥….佢真係丫….

    咪係囉~~
    點教訓佢好呢?
    :mrgreen:

    C

  7. 教 b 妹叫 b 哥做瘦蜢蜢!
    哈哈.

    哈哈哈~~
    妳唔記得b妹係好幫住哥哥喇咩?
    佢唔會咁講咕喎…

    不過如果佢真係咁講,
    佢倆個開戰起上黎,
    就實激死花門嫂呀!

    C

  8. 咁 b 妹聽到 b 哥咁叫佢, 佢有咩反應呀?

    b妹咪絕食抗議囉…
    哈哈~~
    係絕食「奶奶宵夜」呀~~
    可以睇番 b言無聊 呢一篇吖.

    C

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: