天生演說家

晚上, 想找花門哥商量一件小事, 就撥了通電話過去.

響了很久, 才有個小朋友來接電話.

b 妹: 做咩事呀?
花門: 吓? 妳係邊個呀?
b 妹: 我咪係妹妹囉...
花門: 咁妳知唔知我係邊個呀?
b 妹: 妳係花門姑姐吖嘛~~
花門: 吓? 妳點知o架? 
b 妹: 因為妳打爸爸個電話嘛, 咁我咪知囉. 因為爸爸個電話響咗好耐, 跟住爸爸見到個電話有「阿x」呢個字, 咪話「花門姑姐黎o架, 妳聽啦.」, 咁我咪知係妳囉.
花門: 啊... 不過, 妹妹呀, 以後講電話, 第一句唔好淨係問人「做咩事」啦.
b 妹: 點解呀?
花門: 因為人哋唔知係妳聽電話, 人哋又唔知其實妳知唔知佢係邊個嘛, 如果妳頭先一開始就講 「花門姑姐, 做咩事呀?」, 咁姑姐咪唔會問妳咁多嘢囉.
b 妹: 咁我都知妳係邊個嘛.
花門: 但係姑姐唔會知o架嘛, 下一次, 就記住講咗人哋個名先喇, 好唔好?
b 妹: 好啦!

Ð   Ð   Ð

是夜, 月色明亮.

花門: 咦? 妹妹, 妳見唔見到今晚個月光呀? 好大好光o架!
b 妹: 係? 但係我而家見唔到喎... 等我去間房度睇吓有冇先.

(走走走...走走走...)

b 妹: 咦... 都係冇喎... 個月光無照住我哋呢度呀.  有時個月光會照爺爺果度, 就唔會照住我哋呢度, 又有時照住我哋呢度呢, 就唔會照住爺爺果度o架.  個月光有時會照爺爺度, 有時會照我哋度, 有時就會照花門姊姑姐果度...
花門: (打斷佢先) 但係, 而家個月光係喺頭頂咁高咕喎, 妳望真d.
b 妹: ... 都係見唔到呀.  呀! 我見到飛機呀! 好光呀! 好似粒星星咁細...

(下刪對白十數段, 其實大意都係b妹講緊: 
1. 點解飛機明明好大隻, 但而家就好似粒星星咁; 
2. 點解飛機要有燈; 
3. 點解飛機中間同個尾都唔見有燈... etc.)

b 妹: 哎呀~~ 其實佢係咪真係星星黎o架? 行得咁慢嘅...
😆

Ð   Ð   Ð

花門: 妹妹呀, 妳幫我問吓爸爸...
b 妹: (搶白) 唔駛啦~~ 我答妳咪得囉.
花門: (笑死~~) 唔好啦, 要問爸爸o架, 妳問吓爸爸幾時會黎探爺爺吖.
b 妹: 我都話我可以答妳咯! 我哋聖誕節會黎探爺爺, 同爺爺開party呀!
花門: 咁... 可以聖誕節之前都黎多次o架嘛, 妳幫我問爸爸啦.
b 妹: (擰轉頭) 爸..爸... (即刻又擰番黎) 吖~~ 唔好~~ 我哋星期六黎吖~~ 如果問爸爸, 爸爸就會話 「等佢哋講好係邊日, 然後就果日去」o架喇, 但係呢... 爸爸跟住又會話 「星期日先去」.
花門: (哈哈哈~~~) 咁妳俾我同爸爸講吖.
b 妹: 唔駛啦... 爸爸會話星期日o架, 我哋星期六黎啦~~

(真係笑死咗... 話時話, 講成10分鐘電話, 有9成時間都係同b妹傾, 9成時間之中, 又有8成係b妹獨白.  勁!)

Posted on 25/11/2007, in 花門氏宅. Bookmark the permalink. 6 則迴響.

  1. 我曾經聽一位老師講過, 小朋友每事問、多野講, 真係特別精靈, 特別聰明, 學野特別快架…

    小朋友多數都每事問咕喎?!

    其實b妹自出娘胎都唔出聲o架,
    係呢年零先多咗同我哋(姑姐們)講嘢,
    不過佢同b哥一齊就會嘈喧巴閉,
    都唔知係咪b哥教「壞」佢…
    😆

    C

  2. b 妹好似就黎講到你地無得出聲喇. 哈哈.

    哈哈~~~
    係o架~~
    所以b妹一早已經被人封為「管家婆」!

    C

  3. B妹真係好勁~
    哈哈~佢係發言人咁呀~
    咩都無佢講晒~

    咪係…
    淨係b哥都夠煩死大苯象o架啦~~
    而家加埋個「管家婆」,
    花門哥嫂d日子究竟係點過嘅呢?
    XDXDXDXD

    C

  4. 可愛!攞命!
    做咩事呀? 🙂

    哈哈~~
    邊個留言先係真o架?
    「做咩事呀? 」–係問我o架?

    攞命就真係攞命喇,
    至於可愛嘛…
    一時時啦.

    小C都好可愛呀~~

    Welcome to my blog!

    C

  5. 哈哈~點解會用大笨象既~

    可能佢地覺得係享受呢~HEHE~

    「大笨象」係花門媽口頭禪黎o架!
    e.g. 「玩死大笨象」
    :mrgreen:

    咁又係…
    哈哈~~~

    C

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: