混亂+混亂

今日, 星期六, 下晝, 又要去上堂.

怱怱忙忙趕到去, 離遠就見到一班家長帶住d小豆丁聚哂喺門口, 心諗: 乜呢度又租埋俾人跳舞o架咩?

但同時, d家長又唔入得去大堂喎, 只能放佢哋d小朋友自己入去上堂, 所以個個都要臨走前, 千叮萬囑d小朋友要點點點... 於是就塞到個門口同樓梯都好迫, 我要好辛苦, 兼好有技巧先衝得開人群上樓梯, 轉我嘅5 x 360°上課室喇.

衝到上5樓, 雖然都知道已經夠鐘, 不過條樓梯轉到我陀陀拎, 個人又趕到香汗淋漓, 都要去洗個面先入得課室.

行番出黎, 諗住入課室之際, 就見到有3個胖胖嘅圓臉蛋, 楚楚可憐咁望住成層樓唯一仲現身緊嘅 — 我!

圓臉蛋: 係咪無得再上o架喇? 

大臉蛋: 小朋友, 點解妳哋會走到上黎o架? 呢層樓唔係跳舞咕喎?

圓臉蛋: (好焦急)係咪無得再上o架喇? 無得再上o架喇?  無得再上o架喇?

與此同時, 又一個可愛嘅小男孩又從防煙門後彈出黎...

男臉蛋: (嗚咽中)我哋都唔知要上去邊o架? 係咪無得再上o架喇?

呢個時候, 我只係意識到佢哋係問, 呢度係咪頂樓...

大臉蛋: 係呀, 無得再行上去o架喇, 小朋友, 你哋落番一層樓先啦~~ 咁你哋就會搵得番老師o架喇.

(我記得我行上去時, 見到唔知3/4樓有個阿姐企喺樓梯口, 睇住d小豆丁o架喎?! 點會都有小朋友走失o架?) 😡

但係, 無論係圓臉蛋們又好, 男臉蛋又好, 都只係好可憐咁七嘴八舌咁話: 我唔知要去邊o架.

4個充滿問號同惶恐嘅小臉蛋, 齊齊仰望住個唯一嘅大臉蛋... 我個心都真係溶得七七八八... 😕

就喺呢個時候, 課室門打開, miss走咗出黎, 我以為我同小臉蛋們嘅對話, 嘈住大家上堂, 所以佢出黎睇睇, 咁我就諗住交俾佢啦, 因為佢好好人o架, 我好放心佢會善後, 咁我就返入課室先...

點知入到去... 

頭先果個明明係我miss黎咕喎?! 但係點解d同學唔同哂嘅? 

咦? 咪住~~ 但係又有人同我打招呼喎? 

啊~~ 原來今堂d組別要轉位坐呀, 我攪咗好耐先搵番自己果組, 一坐低, 又發現有新組員喎, 係咁bilibala咗一輪, 先知道原來另一個阿sir未到, 所以大家都仲未開始上堂呀.

(係喎~~ 頭先miss真係好似聽住電話出去咕喎?)

跟住一輪衝鋒陷陣之後, 終於都人齊, 開始上堂嘞, 而我亦已經將果4張小臉蛋忘記了...

一直到返屋企途中先突然醒起!

哎~~

唔知佢哋後來點呢? 😐

安全就唔駛擔心嘅, 因為都唔會有外人喺學校裏面...

但係, 佢哋要自己喺d無哂人嘅走廊周圍走, 就真係會嚇親咕喎...

嗚嗚~~ 

就係咁, 呢4張小臉蛋, 就成晚出現喺我腦海之中...

嘩~~ 好內疚呀~~

最後, 我唯有安慰自已: 佢哋都叫做見到有人先吖, 如果連我都見唔到, 佢哋咪仲可憐...

😦

(Shirleycc, 由此可見, 真係唔係個個人都可以帶得好d小朋友o架! ) 

Posted on 07/07/2007, in 獻世感言. Bookmark the permalink. 7 則迴響.

  1. haha..睇到我暈陀陀呀..
    剩係見有句話出現最多,"係咪無得再上架喇"..
    可以見到d 小朋友好焦急呀..XD

    我果日都暈呀… haha~~

    佢哋都同樣"young"咗5層氹氹轉樓梯上黎o架…
    哎呀…

    C

  2. 真係好混亂…
    唔駛內疚, 整有人幫到佢地架…

    唔…
    如果我果時已經知道仲未開始上堂,
    我諗我都會陪佢哋落返去搵老師o架…
    😦

    C

  3. 係0羅~~點解咁都會走急既~~不過我估0向學校裡面問題都唔會太大呀~~

    你放心啦~~~HEHE

    果個姐姐唔知係咪以為d小朋友已經到齊呢?
    不過走漏4個又真係好離譜嘛!

    C

  4. “係咪無得再上架喇" 我以為佢地問你"係咪無得再上(堂) 架喇" 添….

    我返到黎都有咁諗過o架~~

    不過佢哋果時好似仲想搵樓梯咁,
    所以應該都係問"仲有冇得上(樓上)"呱.

    C

  5. 哇!我發雞盲,一味睇住個增高既麥兜,睇唔到呢個添,呵呵!以後唔會嘞,因為我剛用igoogle訂閱咗你個網誌嘞!
    至於果啲可以比小朋友走失既老師呢,就應該罸個地係非洲盪失路100次,等佢地比獅子同長頸鹿追。

    wow~~ 俾長頸鹿追? 好高難度咕喎?! 不如叫長頸鹿追我啦, 我都想試吓呀!
    (我見到麥兜果日, 都見到反斗城傑飛, 同緊小朋友影相o架, 好邪~~)
    罰佢哋1次都好慘o架喇, 仲要罰100次咁多…
    btw, 我都係想知, 我應該點安撫同照顧d小朋友咋, 妳估當時果個係妳, 妳會點做呢?

    igoogle係咪即係google reader呀? 我都用緊呀, 真係好powerful!

    C

  6. 有時間的話,我會帶佢地去搵老師,否則就會陪佢地等,再唔係就叫佢地係度等,再加一句稱讚既說話,例如「好叻喎,識得問路」或其他諸如此類既稱讚說話。稱讚喺小朋友未喊之前係不錯的安撫說話。
    另外,我的確用緊igoogle 中既google reader,非常十分好用。

    多謝妳肯同我分享~~ (我仲怕妳會嫌我煩呀…)

    我果晚都有諗過, 我其實當時應該點點點, 雖然都諗過會氹佢哋笑, 俾信心鼓勵佢哋… 不過好明顯都係唔夠, 陪住佢哋先係最應該做嘅嘢.
    而且, 妳講得啱: 稱讚喺小朋友未喊之前.
    😦

    C

  7. 煩?邊個呀?我一直都覺得你好可愛咋喎!

    妳真係善良~~
    又亂讚我…

    唔好咁大期望啦,
    希望越大失望越大咋,
    到時要扣分就唔好啦~~
    :mrgreen:

    C

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: