10年寒窗

朋友，　回歸１０週年嘞，　你識講普通話未？

尋晚睇新聞，　見特首先生手握住一大疊貓紙，　（即係讀書時用黎背生字果種，　左上角有個窿，　疊起再用個圈圈扣好ｄ咭紙，　但特首用嘅係好大張o架！）　喺北京嘅展覽場館內，　向一眾國家政要介紹香港，　只見佢講唔夠1~2句，　都已經揭咗幾頁貓紙．．．

除咗係大會安排唔好之外（譬如無整番個演講台俾人放貓紙），　我覺得，　既然特首有強大幕僚，　又有人幫佢mark哂ｄ拼音，　點解又會無人認認真真同佢操吓普通話呢？ 就算事前，　都應該要惡補吓個presentation先出黎o架？！　

而且自回歸以黎，　佢都一直有心要有今時今日嘅職務咕喎，　無理由無心理準備學好普通話啫？　佢英文都可以講得咁流利，　又唔似無語言天份喎．．．

睇住佢係咁揭貓紙，　ｄ發音都依然．．．　

真係好肉酸呀．．．

（我唔係要求佢要字正腔圓，　更加唔係要滿口北京腔，　但係講到近似台灣人果種口音，　應該都唔太難呱？）

鏡頭下仲見佢會後仍然要帶住ｄ政要參觀，　手上仍攞住一疊大貓紙，　真係戥佢緊張之餘，　又戥ｄ政要辛苦．．．

雖然你／我都無咩機會會做特首，　但話哂都叫做國家主要語言吖，　完全唔識又有點那個．．．　

唔知你又學到講到咩程度呢？