母親節 - 攪場事件(1)

花門宅母親節飯聚, 大宴席上各人大大隻鮮鮑一客, 花門嫂將b哥b妹之份剪細, 小兄妹亦食得津津有味, 大為欣賞...

期間, 唔知係咪鮑魚韌得滯, 小兄妹o趙到牙仔都軟哂, b哥仲開始眼瞓tim...

噗通!!!

放心~~ 唔係b哥跌落地... 係佢果碗盛滿鮑魚嘅飯啫...

當然, 少不免俾人鬧吓o架啦~~ haha~~

擾攘一輪, 花門嫂見b哥話唔食飯, 就叫佢坐去後面(家中梳化位), 一陣先飲湯.

佢以為自己已經甩繩, 於是就開櫃桶搵玩具玩...

花門姐夫: (已吃飽並離席)你想攞咩玩呀? 

花門嫂: (頭都唔駛”令”) 喂~~ 我叫你坐去後面咋~~ 無話叫你去後面玩呀~~

(嘩哈哈哈~~ 笑到我哋吖~~)

我: (仲食緊o架) 喂~~ 阿妹, 我哋快d食埋碗飯, 然後一齊玩啦! 難得哥哥今晚無得玩呀!

b妹: kaka~~ 玩咩好呀? 玩...捉迷藏?!

我: 好吖~~ 總之趁哥哥無得玩, 我哋就快d食完玩啦~~

b哥當時當然係好心煩意亂啦, 即刻走番埋黎, 諗住飲碗湯補鑊...

b哥: 我有得玩o架!

我: 媽媽話唔俾你玩喎...

花門姐: 係呀, 你都無食飯.

b哥: 我食完啦!

花門姐: 你碗飯跌咗落地啦, 你又唔肯裝過第二碗黎食.

b哥: ...(聽唔清楚講咩, 不過就好清楚有句精句) 倒咗, 咪即係食咗囉~~

😯

啊!!!! 你今晚真係唔駛旨意玩都得嘞...

Posted on 12/05/2007, in 花門氏宅. Bookmark the permalink. 1 則迴響.

  1. 哈哈! 笑死我喇!
    b哥o的對白正到咁, 真係激死你亞嫂喇!

    咁又唔係喎… 花門嫂當時無咩反應喎, 只係繼續背向b哥, 氹b妹食飯咋.
    haha~~ 都無佢咁好氣啦. :-p

    C

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: