大榮華

花門爸同花門伯手足情深, 我哋兩家人一直都住喺相鄰單位, 而花門伯交遊廣闊, 同大榮華d人不知幾熟, 所以佢日日都會去飲早茶, 當然, 花門爸都會時時帶我哋去飲晏茶o架! (梗係啦, 細路仔邊個會晨早5/6點去食早餐o架?  😛 ) 

除此之外, 花門伯嘅任何飯局, 包括佢擺嘅壽筵喜酌; 而每年大年初一, 就會有2大1細嘅枱, 留定俾我哋由晨早5/6點(我哋呢d細路係會玩通宵o架), 車輪轉咁食食食(因為有好多人都會黎, 當係拜埋年咁), 食到食埋晏, 先返屋企過節; 就連我哋家族春秋二祭, 出發前都必定飲住早茶等齊哂所有人, 然後喺埋果度買祭品(亦即係我哋嘅下午茶), 落咗山, 夜晚又會去果度開飯局, 3圍枱係走唔甩嘅. 

當時飲茶, 馬拉糕都已經係一出就俾人搶哂o架, 花門媽就最鍾意食, 仲指定要邊邊果d, 我就鍾意炸雲吞, 灌湯餃, 印象最深刻嘅係菲林卷甜品, 鍾意叫, 但係又唔會食, 哈哈, 我就係鍾意將佢哋攤番開... 

因為去飲茶, 我小學就開始學人睇報紙, 再大少少, 老豆仲會間唔中俾錢我再落番去書報攤買漫畫(當然要順便幫佢買煙, 我哋成日都笑佢食〔中毒〕, 哈哈哈~~), 果時一本加菲貓對我屋企黎講都唔平o架.

至於飯局呢, 花門開始長大之後, 就成日都扭扭擰擰, 諗盡藉口唔去, 一來同親戚食飯好悶, 仲成日俾人攞黎講, 二來又係去大榮華?! 真係悶上加悶, 情願一個人喺屋企靜靜地好過.

其實, 當我哋呢班細路個個長大成人, 就已經由唔再去飲茶開始, 漸漸都唔再去呢d飯局lu... 加上果時大榮華唔知轉手定咩, 裝修完又裝修, 後來仲無開一排,(之後我哋搬走咗, 連條邨都拆埋, 就更加唔會去.) 直至近年有鞱鞱之後, 先再旺番. 

當人人都慕名而去大榮華食豬油撈飯, 我反而未返過去...

尋晚花門男友家人要入元朗, 而且又有家人今日又飛走, 所以我提議佢哋去試吓, 經濟實惠嘛~~ 不過佢話無傳聞中咁好食喎, 哈哈~~ 算啦, 傳聞本來就係咁天花龍鳳o架啦~~

Posted on 19/04/2007, in 花門氏宅, 食住黎睇. Bookmark the permalink. 4 則迴響.

  1. 我都未去過呀~~不過聽人講呢好似九龍灣都開0左間呀~~不過話要等好耐呀~~哈哈~~唔知有無機會試呢~~

    九龍灣果間開咗o架喇.
    妳咁為食, 實有機會去食嘅, 不過要多d人去先好, 試多d唔同嘢嘛.

    C

  2. 嘩, 我都好鍾意食菲林(卷) 架!!!! 不過宜家搵唔到d 好美味架喇….

    你屋企都好大掤人喎….3 張枱?!
    我都有2 張. 哈哈.

    果時D菲林卷有幾隻色o架, 妳有冇見過? 除咗黑色, 仲有橙色, 綠色…

    哈哈~~ 呢個係只限男丁家庭o架咋, 即係我阿爺同我叔公嘅仔, 佢哋嘅家庭先需要出席, 如果而家要總動員, 一家一圍都唔夠坐…
    C

  3. 哈哈~~你又知我好為食既(面紅中),不過我又真係幾為食既~~~食得事福麻~~~最多就做下GYM咁0羅~~HEHE

    傻婆~~ 係妳自己成日講家嘛, 有邊個唔知呢? heehee~~
    妳有時都懶做gym咕喎… haha~~
    不過有d肉地咪幾好.

    C

  4. 係咩~~我有成日講咩(呵呵),話時話我LEE個月都未去過0左GYM呀~~唔得~下個星期一定要去做~~GOGOGO

    哈哈~~ 睇妳周圍去食嘢都知啦.
    係咪呢? 仲成個月都無去tim, 真係懶. 😀

    C

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: