b哥考綠帶
上文提要: 花門哥一早搵定我去睇b哥考跆拳道綠帶, 其實即係幫手影相, 等佢可以全程拍video, 而b哥喺呢個月都久唔久就打黎提吓我咁...
花門大妹仲以為係喺b哥平時上堂果度考, 所以訓到好晏先起身... 😦
我哋遲咗少少先去到, 個場已經坐滿哂家長lu, b哥好快就出咗去, 坐定定stand by, 我見隔離有d小朋友已經開始考緊, 我走埋去場邊, 諗住偷影b哥, 點知佢鬼死咁醒目, 仲係咁擺posts...
開始考喇, 好彩b哥企得好近我哋, 所以都好易影, 哈哈哈~~ 睇吓佢夠唔夠”猛”?
睇相就好似好勁, 但其實b哥無乜力水o架咋... 係個拳頭仔就握得好實囉...
不過都好過佢平時喺學校表演其他嘢啦... 無發台瘟嘛. Wakakaka~~
佢果組打完之後, 佢哋又要坐返埋一邊, 等所有人完成哂至會頒成績表, 我走埋去問b哥頭先係咪好緊張, 佢話無喎... -__-"
終於都完哂喇, 今次考到綠帶嘅, 就會有一件護甲, 即係... 好快會俾人踢囉...
最好笑就係, 今次俾唔到條綠帶b哥呀!
因為無佢size, 佢太奀喇! 哈哈哈!!!
佢真係太瘦喇. 要大隻d, d 腳先有力呀!
同b 哥講, 我空手道架喎, 搵日教(較)量下!! hehe.
話時話, 跆拳要考咩架? 同埋佢地即場知埋成績架? 我地館星期日都考左試…不過一定唔會即堂知道結果.
分一組組咁得意? 可能因為小朋友啦. 其實如果師父比得考, 通常都會pass 既. 不過考高d 色帶咪多口問下師父, 當探口風囉.
我知跆拳好多色架, 因為我細佬之前都學過下跆拳, 之後先轉去空手道. 我因為佢學, 我先跟埋去學之嘛. 我地得幾隻色: 白 -> 黃 -> 綠 -> 藍 -> 啡 -> 黑. 啡通常要考兩次先上黑帶.
我? 我學左1x 年架喇, 你估下我考晒未? hehe. 10 年前我已經考到黑帶架喇. 不過黑帶又分1-10 段丫嘛. 仲未ready 考二段. 我細佬已經係三段喇.
或者練下氣, 下次考試會考二段. 有機會叫你同b 哥黎睇丫.
其實我考完個黑帶就過左澳洲喇. 當中4-5 年都無乜點練, 係暑假返黎果3 個月囉. 之後都比較懶, 迪迪尼返shift 又唔係成日就到時間, 放左工又攰到死….有時又會為左見ex 唔返館 (好曳, 唔好話比b 哥知, haha). 其實最主要原因係我好怕打kumite (free fight).
考段我覺得幾難架. 我地基本上考色帶就要考: 基本功, 套拳同埋free fight. 考黑或以上, 除左呢3 樣之外, free fight 要打1-2 場 1 對2. 即係會有2 個黑帶一齊打你….唔夠氣時真係會腳軟架.
我逢星期日都會上堂. 不過可能唔太就你地, o係佐敦. 聽日我應該會返細佬個場, o係葵興. 哈, 一講就好興奮, 好想快d 見到b 哥. 佢放完假未呀?
free fight 真係好考反應架…好多時自己師兄弟姊妹都會留下手既. 我好記得我考黑帶果時, 兩個師姐一早夾好, 一個o係後面想"cool" 實我….我地睇人地1 對2 時好開心架, 覺得佢地實會就下被打果個; 但係當自己落左場之後, 就會好認真. 有時有d 小朋友唔識控制自己情緒, 會越打越火爆….打到爛仔交咁.
果日師父都有講, 1 對2 時叫打人果兩個留下手, 因為真係好辛苦.
佐敦係寶靈街個街市樓上呀. 九龍公園就星期六. 其實我同細佬都會返星期日架, 不過佢二段時, 師父比左個場佢渣fit 嘛. 佢宜家咪逢星期四果個場既教練囉. 日日都有唔同地方架. 以前我返荔枝角, 一個禮拜返星期一, 四同日. 好癲. 宜家淨係返星期日, 好蝕呀. (因為我地係比一個月費, 任上架)
好少男同女對打, 自己熟人就另計啦. 以前搵細佬同其他師兄比我打囉, 佢地打極都唔痛, 變態. 又話我細力….
b 妹都去學呀? 好呀, 自衛嘛. b 哥幼稚園咋咩? 你影到佢咁"了", 以為佢好高, 係小學生添.
咦, 咁埋禮貌分同態度分又幾好喎.
要有三段先可以做教練架, 二段可以做助教, 不過有時我o係館都會幫下師母手教小朋友….
細佬只係part-time 啦, 不過佢一個禮拜除左三六係無返館, 其他時間都比晒空手道: 星期一四日返館; 星期二五返港隊.
係啦, 我鍾意上師父教既堂, 對其他亞sir 麻麻地….咁師父果d 又o係葵青呀果d, 我office 去都好耐…所以唯有得返星期日囉.
不過我都要練下力練下腹肌比人打….唔係實考唔到二段.
咁你同b 哥b 妹一齊學囉. hehe. b 哥咁高架?!
雖然入葵青係半個鐘, 但係佢地1800 開始呢, 到2000. 我放1818 入到去換埋衫都1900 啦, 仲要做熱身呢…真係唔駛練咯.
今晚細佬果度1900 先開始, 所以好d 啦.
練腹肌做sit up 呀….宜家做yoga 都有教點可收實腹肌做動作….都有用既.
我都中學先去學啦…你大學之嘛, 唔係差好遠丫. hehe. 我考試下…起碼要7 月. 死啦, 到時實熱死.
你快d 谷b 哥食多d 野啦~~~
係呀, 今晚會去練呀. 其實我去細佬個場, 似做佢助手多d, 因為佢對小朋友無耐性呀. 又唔鍾意小朋友成日掛住玩, 但係又唔明小朋友咁先係小朋友嘛. 所以d o靚仔咪驚佢囉. 星期日果日有個4 歲小朋友話我細佬叫佢走喎, 其實係細佬見到個小朋友媽咪揮手叫佢走, 細佬先叫小朋友走唶. 咁我咪tum 個小朋友話我星期四返, 等師兄唔會惡死囉.
我地一做sit up 要做100 下. 不過做慣左就無乜野.
我返細佬個館, 佢就可以專心教大朋友囉.
我邊有笑你丫…你都鍾意行山架? 我好鍾意架, 好耐無行兩日一夜果d 喇. 果時玩愛丁堡(宜家改左名lu), 成日行, 好開心. 你下次行叫埋我丫. hehe.
b 哥食咁少架….質佢食多d 食多d 食多d 啦~~~
咁又係, 我細佬又唔太鍾意小朋友添. 我尋晚好有心機教佢地啦, 攪到我今日作喉嚨痛呀, 陰公.
我有幾fit 呀…肚腩縮埋左你睇唔見咋.
家樂徑都好丫, 唔係我地爬山鞋o徒晒, 媽子話要扔左佢呀! 你地行叫埋我丫. hehe.
麥當當既"美食", b 哥都引到? 小朋友唔係好鍾意架咩?
“引唔到"先岩
哈哈~~~~舞林高手~~HEHE
哈哈哈~~係呀係呀~~我講佢跳緊舞呀~~不過真係好勁~~~真係要小心小心~~~~