行大澳

悠長嘅復活節假期, 都只能搵到一日可以同男友去大澳行一轉, 雖然今日天氣認真麻麻, 不過都要去玩吓o架, 唔係就唔知又要等到幾時...collage1.jpg

由屯門搭船去大澳真係方便好多, 仲可以近距離望住飛機起飛, 同喺360條綱纜底下穿過去, 都幾特別o架~~

我哋成點幾2點先去到, 到步後當然去搵嘢食先啦, 一行入條海味街, 就有個嬸嬸sell我買糯米磁, 我都好耐無食過喇, 所以要一盒花生餡嘅, 男友又要咗個茶粿, 雖然呢間唔係人見人搶嘅〔隱姑茶粿〕, 但男友都勁讚好味, 而我個糯米磁都好好食o架, d皮軟淋淋, 花生又香. (按:玩到後尾, 我哋心思思想買幾盒返去食, 但嬸嬸已經收工囉, 如果你哋去嘅話, 麻煩幫我買幾盒返黎吖~~ ^o^ )

其實我哋都唔知點行o架, 都係漫無目的咁周圍影吓相...

仲有其他o架, 得閒慢慢睇啦~~

行到最後, 發現原本5點3果班船已經賣哂飛喇, 好在加開一班大船(5:45pm), 票價仲平d tim, 不過就行得慢d, 但就都好過等7點幾尾班船o架喇.

img_1719.jpg

買定船飛, 就去搵豆腐花食喇, 行過好多間, 見到呢間話係石磨豆腐花, 咁就試吓啦~~

間舖貼咗好多小朋友嘅相, 影得好靚o架!

老闆仲話”後花園”有大把位可以坐, 哈哈~~ 不過我哋都無入去.

總括黎講, 口感係幾好, 不過我唔覺有豆香, 我哋都係鍾意食平時去開果d檔仔... heehee~~

img_1723.jpg跟住又去咗買海味, 哈哈哈~~ 係咁意買包螺頭咋~~

呢個時候, 搭巴士去東涌嘅人龍, 排到去碼頭咁遠喇...

我哋都差唔多要上船lu, 好在有得買定飛.

開船之後, 忽然開始大風, 水手們已經落哂d膠幕落黎, 但由於我哋只能坐喺船艙外(又係滿哂呀!), 所以都係要硬食哂d風呀... 

有個水手仲好好人咁提我小心浪大果陣會整濕身(其實佢哋時不時都會走去風口位果度企, 唔知係咪幫吓我哋擋風呢? hee~~), 好彩我哋都叫著夠衫, 件外套又有帽, 所以都頂得住, 無攪到傷風喞~~ 

Posted on 07/04/2007, in 花門私攝, 食住黎睇. Bookmark the permalink. 發表留言.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: