答問大會

尋晚睇答問大會, 火藥味一d都唔濃, 有d失望, 不過, 我仍然覺得好睇過好多電影劇, 唔駛講其他, 淨係睇曾嘅面色都已經好有趣...

一直都有人話曾喜惡係好形於色嘅, 不過做咗特首之後, 已經進步咗好多, 尋晚見佢過梁一棟果時仲鬆毛鬆翼, 調番轉頭俾人轟, 又會谷紅塊面, 聲都弱埋.

如果要曾演講就叻, 對答就始終爭dd, 梁係大律師, 辯論呢樣嘢就家常便飯啦, 不過, 講到政治智慧, 又點都好過梁.

有次有人要佢哋示範會點同上頭講要行普選, 范太問梁介唔介意俾曾問先, 梁就梗係無所謂啦, 正當我等住睇戲時, 曾就彈一句: 不過我就想聽吓梁有咩意見先喎~~  haha~~ 咁就拋番個波俾梁, 自己就可以慢慢諗, 可惜最後佢都係帶人遊大花園, 都無示範到...

另外有一點, 就係曾由始至終都稱呼梁為Alan, 而梁就一時曾生, 一時特首, 根據我有老師教過, 稱呼人家名字係會好d嘅.

至於梁, 佢講嘅嘢當然會好空泛, 因為佢根本就唔可能涉獵到咁多範疇, 不過佢勝在衰咗都兜得到, 起碼唔會洩氣敗咗個陣先.

有次佢俾曾批評, 係佢哋公民黨阻住d基建上馬, 梁就答話好嘅基建就唔會有人反對...etc, 其實, 如果佢喺呢個位叉番曾咪又拒絕/拖延開全民答問大會, 我一定會俾掌聲佢o架~~ haha~~

講到底, 呢d答問大會, 都係想逼人開口去承諾一d嘢啫, 不過古今中外, 有幾多係真係會做o架? 咪同我哋年年睇埋d生肖/星座運程一樣, 真係無謂深究咕喎.

而且, 大家都唔係唔like曾, 喺幾年前, 大家都不知幾想佢快d打救我哋, 我想佢連任, 事實上亦都無其他人做得到呢個位住, 不過, 我更加想佢連任得漂亮d, 雖然嬴硬啫, 但做戲都要做全套o架嘛, 唔好擺個 ”睬你班友都嘥氣” 嘅款出黎好d喎...

Posted on 02/03/2007, in 獻世感言. Bookmark the permalink. 1 則迴響.

  1. 我唔鍾意梁喎.

    原因係…?
    haha~~ 不過唔好介意, 我都唔係偏幫邊個, 我都係睇件事o架咋.

    C

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: