一返來就開火

初三凌晨先返到屋企, 訓到正午, 就算幾唔情願都要起身, 因為有d年係唔拜唔得嘅.

去完男友家, 就到男友去我屋企食晚飯喇, 食飽飯無嘢做, b哥b妹就一人一把槍, 四圍開火, 咁我咪還番d嘢俾佢哋囉... 

2隻小鬼見我得對手扮槍, 仲懶得戚咁, 點知我一企起身, 咪即刻嚇到走哂入大房, 仲要俾我唧一輪先有氣抖, 哈哈哈~~~

玩咗幾次都係咁, 最後一次唧完佢哋, 我就匿喺大房同廳之間果間房嘅門邊, 諗住下一輪到我伏擊佢哋嘞...

b哥: 妹妹, 我哋而家一齊出去再砰過姑姐囉.

b妹: 唔得o架, 我哋鬥唔過姑姐o架...

b哥: 我哋一齊砰!砰!砰!咁砰佢咪得囉...

b妹: (微弱地) 媽媽~~ (因為花門嫂喺走廊度望緊佢哋) 妳過黎保護我哋先啦~~ 我哋鬥唔過姑姐呀~~

花門嫂: (行去房睇佢哋時發現我, 都忍唔住笑...) 咁點算好呀? 不如你哋投降啦.

b哥: 咩係投降呀?

花門嫂: 即係認輸囉...

b哥搶白: 唔得!! 我唔會投降o架!

花門嫂: (無b哥咁好氣, 繼續同b妹講) 妳出去同姑姐講 ”姑姐~~ 我唔打喇, 不如我哋唔好再玩啦~~”...

(如是者, b哥有b哥一直嗌話”唔投降”, b妹有b妹繼續哀求媽媽救佢, 我就笑到無哂力...)

擾攘咗一陣, 唏~~ 終於有動靜嘞!

b哥: (一路行出黎一路講) 我唔會輸嘅...(不過, 佢行過間房都發現唔到我喎?!)

(... ...)

時機成熟! 我就走出去諗住同佢開火, 點知原來同一時間, b妹喺我身後面行咗出黎, 於是乎...

咪又一輪 ”鬼哭神號”!!!  +  ”炮火連天”!!! 囉~~ 呵呵~~

最後2隻小鬼無路可走... 就唯有匿喺梳化隔離間房仔, 連花門媽批好哂蘋果引佢哋, 都無一個肯出黎...

b妹喺房仔裏面, 喃喃地總結: 我哋... 係鬥唔過姑姐o架... 

Posted on 20/02/2007, in 花門氏宅. Bookmark the permalink. 1 則迴響.

  1. 嘩哈哈….你呢個姑姐都好攪鬼唶…嚇到b 妹好似失左常咁"我地係鬥唔過姑姐架….", 仲要喃喃自語添. 無陰公咯….

    哈哈~~ 咁佢哋係小"鬼"嘛, 咪要"攪"吓佢哋囉…
    佢哋都不知幾enjoy啦~~ XDXDXD

    C

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: