紀 念 品

今晚返咗去學校攞影樓相, 順道亦送相俾d lecturers.

Studio預備好一份份贈品放入環保袋, 確定咗身份, 就俾d相同份early bird禮品我喇, 佢提我check好哂d嘢先離開.

我一攞張相出黎睇, 就聽有人同我say hi, 原來係Mw, 佢話佢都係見到張相先知係我 (因為我面壁嘅), 我見佢有好多相, 初初仲以為我果份漏咗d咩, haha~~ 原來佢以為單人同家人合照係唔同, 所以各自影咗2 sets呀...

佢份人好熱情, 亦都好好傾, 其實我原本係唔識佢o架, 係果次我去O night, 我同Lg傾緊嘢果陣, 佢走黎搵Lg, 就已經同我講好多嘢, 第二次見係返學校影相, 佢都認得我, 原來佢同我d同學同過班嘅.

我哋傾咗好耐, 因為想俾番d相佢, 所以同佢交咗換email, 之後我就要去派相嘞.

先去Mr Sn’s office, 不過佢唔喺度, 咁我從門隙攝d相入去, 轉身行去通道, 就意外地見到佢, 原來佢要同同事開會, 我仲見到Mr Jg (佢喺一個tutorial 教過我 o架)同佢一齊tim呀.

而佢哋開會嘅房間, 就啱啱喺我跟住要搵嘅Ms Ki隔離咋~~ Ki仲喺office, 不過就好忙咁喎, 所以都唔打擾佢lu, 約咗佢搵日同So佢哋食飯就走嘞.

之後去CILL請d職員幫我交相俾Mr Dg, 因為佢哋嘅office大樓無我哋faculty咁開放, 好彩個staff都好樂意幫我. hee~~

講番上面d禮品先~~

8r銀色金屬相架:

背面同腳架都同黑絨布包著, 幾靚~~

不過真係好大個, 都唔知點擺出黎...

.

.

.

2R相架:

係early bird嘅禮物, 仲會另外送多2張比2R更細嘅相.

我睇leaflet果時, 仲諗住係塑膠/搪膠之類嘅物料造, 但原來都係金屬製o架, 同8R相架一樣包著黑絨布, 細細個都幾墜手吓o架~~

.

.

呢個係 ”class of 2006”襟章:

不過就稍嫌大個咗d, 

扣袋就ok.

.

.

證書夾:

類似box holder, 不過想試攝張證書入去就唔成功, 

因為佢預得太fit, 而且個摺邊位黏得唔夠貼服, 要再研究吓點攪.

.

.

禮品比我想像中好好多, 不過佢哂出黎嘅相就麻麻, 人樣好假, 而且好重陰影,  明顯係打燈唔夠, 同埋亂執相! 好彩睇番CD-Rom d相就正常好多,  而且都有俾番哂影過嘅咁多張相俾我, 我都可以自己哂張好d嘅.

整體都ok 啦~~

Posted on 19/01/2007, in 四方頂戴. Bookmark the permalink. 發表留言.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: