終 於 到 喇 ~~

06年12月1號

今朝一早就要執好個樣出門口, 同男友一齊搭車, 一路上要講解成日嘅rundown, d相我想點影...等等, 出到去就買麵包頂肚, 收銀小姐問我哋要唔要加錢換杯鮮磨咖啡, 男友答: 唔駛住.  

Arr... 乜可以等陣先要嘅咩? 訓醒未o架你?? 一陣究竟掂唔掂o架???

返到學校, 距離開場仲剩半個鐘左右, 但依然有好多人影緊相, 我換好衫, 擺低d雜物喺locker, 就行過去lu...

過到紅館, 又話要我哋一早入場, 都唔係嘅... 仲諗住入去睇吓影到幾遠o架嘛~~ 喺出面等緊時, 就四圍搵吓有咩同學到咗, 我見到Cg同Ku一齊, 終於都俾我見到Ku嘞, 上次影相又唔黎, 無耐Pm同Zg都到埋, 我哋呢幾個第一次就同組嘅同學, 影咗幾張相就入得場lu, 佢哋仲有d嘢要攪, 我就一於入去搵位先~~

入到去就見d人都係一堆堆咁坐啦, 駛咩跟位坐吖, 於是就儘call d同學過黎坐嘞, 而男友發現佢個位距離我好遠, 我哋walkie talkie咗好耐, 佢都望唔到我喺邊, 後來佢話佢會諗辦法坐近d, 儘可能都要同我影多d相, 真係辛苦佢喇.

d同學開始繼續坐埋一齊, 我仲見到An, (一個由TI時期開始一齊讀書嘅同學仔, 不過上U之後就甚少同班lu) 就拉佢坐埋黎, 呢個時候都正式開始lu, 我哋呢堆同學仲喺度bala bala咁, 都無留意tim. 

個開場白好長好悶...

攪到我哋都唔知做咩好, 咪不停咁你影吓我, 我又影吓佢lor, 哈哈~~ 都係藉口啫, 大家都係一心入黎影吓相之嘛~~

男友call我叫我望鏡頭, 咦? 佢坐咗喺邊呢? 

原來佢就坐喺隔離果排咋!

好叻喎~~ 搵到咁近嘅位, 抵錫啦~~

我哋影呀影, 玩呀玩, 過咗好耐, 終於都輪到我哋果part喇~~

其實我哋坐到咁邊邊, 都無咩人會望到我哋o架啦, 不過我哋都好正經, 臨尾戴好頂帽...

各位~~ 

我哋正式畢業喇~~ 

Congratulations!

Rg早幾日話我知, 因為佢妹妹都係今屆畢業生, 所以會黎觀禮, 原本佢諗住可以今朝搵我影相, 不過我當時已經入咗場館, 見佢喺電話度無再講咩, 仲以為佢放棄咗, 但原來佢後尾入場有搵過我o架, 只係由於我哋d畢業生個個都好high, 一堆堆圍埋咁影緊相, 佢搵極都唔見我就開場喇, 咪唯有返埋位坐.

佢一見我哋果一批坐低, 就即刻call我講恭喜, 但同時佢都要走喇, Rg話係特登睇埋我果part先走, 好感動呀~~  不過可惜我哋最後都影唔到相呀, 嗚嗚~~

完咗之後, Ag佢哋幾個先走過黎, 我哋就把握時間繼續謀殺mb, 睇住男友左楔右楔咁幫我影相, 真係戥佢辛苦, 我哋影到俾人趕先走, 點知一行出去, 嘩... 點走呀??? 

Posted on 16/01/2007, in 四方頂戴. Bookmark the permalink. 1 則迴響.

  1. 如果你一直讀上去, 總有機會可以"再影一次"架…

    ^o^ 我讀緊啦~~
    不過呢個無得"畢業"o架~~ haha~~

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: