Photoshooting

06年11月8號

今晚約咗Zg同Mr Dg(一位教咗我2個sem嘅英文老師)影相, 因為無camera man嘅關係, 我唔敢帶部大相機出去, 只係帶部dc仔.

返到去學校, 比Zg早咗少少, 我就去咗補妝先, 後尾佢打俾我, 我話俾佢聽我妝緊身, 佢仲一路講, aiya~~ 激死~~ 我之後仲要set一輪機先call得Dg落黎, 果陣已經無乜時間o架喇. 🙄喺噴水池度set咗好耐機, 又試影咗幾張, 因為無大閃嘅關係, 個效果都係麻麻, 不過都無計啦, 唔通唔影咩... 一見到Dg就好開心, 傾咗一陣就開始影lu.

我約Dg果陣, 知道佢好忙, 所以唔敢打擾佢太耐, 諗住旋風式影完就放佢走, 不過佢好好人, 叫我哋慢慢就得, 之後我問可唔可以去埋佢office度影, 佢都無問題呀~~ 😉

我哋去到department 門口, Dg話呢度都好值得影, 仲提我要影哂成個門牌喎, 不過我當時校咗好耐, 都好似影唔到啱心水嘅相, 哈哈~~ 返到屋企先醒起, 校番auto影咪到lor~~ 死蠢! 😐

一入去Dg’s office, 嘩~~ 我同Zg都唔敢相信, 間房整到好靚呀, 黃黃嘅燈光, 牆上又掛咗好多畫, 仲有好多鼓同starwar嘅擺設, 我記得佢上堂舉example果時, 講過starwar係佢嘅favuorite, 而佢又係攪英文band o架~~ 阿sir好識享受呀, 成個示範單位咁.  我去過好多lecturers嘅房o架, 但都係雜物房居多, 佢哋真係要學吓嘢喇, 哈哈哈~~~ 😆

我哋掛住講間房, 差d就唔記得影相, 😮 Dg話我哋唔一定要好formal咁影, 可以隨意d喎, 咁又係, 間房咁moody, 就一於保留個黃色情調啦~~

我行埋去牆邊, 先發現原來d畫其實係d jazz artists嘅相黎o架, 而我一直以為我哋聽緊嘅音樂係department播嘅, 原來都係Dg佢用hifi聽緊歌咋, 哈哈~~ 因為我都好鍾意jazz, 所以又同Dg講咗好多音樂上嘅嘢.

我哋真係傾咗好耐先走呀, 因為Dg真係好風趣, 又好gentleman, 果晚攪咗佢咁耐, 真係唔好意思嘞...

Mr Dg係一個好好嘅lecturer, 唔單只教學用心, 仲好鼓勵(其實係”迫”, heehee~~)我哋不斷改進自己d英文, 佢好嚴謹o架, 俾分一d都唔鬆手, 不過佢唔係淨係教英文咁簡單o架, 連應對技巧/溝通思維呢d都講得好詳盡, 所以果時, 我明知跟佢會好低分, 都為咗要學多d有用嘅嘢, 而一於死跟佢轉班o架~~ 😎

Posted on 15/01/2007, in 四方頂戴. Bookmark the permalink. 發表留言.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: