妹 妹 仔 師 姐

06年11月11號 (1)

今日嘅影相schedule好密, 先係同d妹妹仔師姐影, 之後就join同班同學影, 我仲另外約咗靚女lecturer影相tim~~ 😳

咩係妹妹仔師姐? 咪就係細又細我好多, 但又早過我讀完畢業嘅同學lor~~ 😥

一見到佢哋, 就俾Vu勁笑我身上d夾夾, 話我顧前唔顧後喎~~ 梗係, 邊顧得咁多呀? haha~~ 

我教Lg用我部大相機, 咦~~ 原來Pg都係帶大機黎影相, 不過佢果部方便好多, 影果陣都有display睇, 我部NIKON就要影完先有得睇吓影成點.

攪完哂, 諗住開始影時, Pg突然有隻con移咗位, 但係我哋點幫佢睇都睇唔到隻con究竟移咗去邊? 好恐怖呀... 本來想同佢去clinic搵人幫忙, 啱啱喺隔離之嘛, 但佢又唔肯, 攪咗好耐都搵唔到, 佢就話唔理囉喎, aiya... 咁都得?! 我哋見佢咁堅持, 就唯有開始影相啦...

Vu同Lg送咗禮物俾我同Pg呀, 係一個座枱擺設黎嘅, 我之前都千叮萬囑叫佢哋唔好送嘢o架啦, 真係唔聽話呀! 

不過都好多謝兩位咁有心思, 因為我果個係一個聰明美麗可愛嘅女仔, 佢哋話個人仔似我喎, hoho~~ 

而Pg果個係---豬呀! 哈哈~~ 

之後Pg走埋黎睇, 衰衰咁話: 個人仔都唔係好美麗之嘛... 

咁於是我就答佢: 咁我話哂都係一個人, 點都好過妳, 極其量都只係一隻聰明美麗可愛嘅豬吖~~ 

哈哈哈~~ 仲唔激死妳?! 😈

我笑果盒人仔似神主牌, 之後仲同Pg一人攞住一個影張相先, 嘻~~

Lg幫我o地影果d相都唔錯喎, 好有style, 俾個good妳先~~ 😀

影到咁上下, Lg同Vu都要走先, Pg話可以陪多我一陣先喎, 真係感動, 不過我都唔想阻佢嘞, 而且我都要搵我d同學.. 就喺呢個時候, 佢果隻con就走番出黎喇!!! 咁都安樂d~~ 不過唔知隻con其實係咪唔想見到我呢? 😕

同Pg say goodbye之後, 就call我果班同學嘞, 唔知佢哋係影得開心得滯定點, 打俾個個都無接電話, 最後搵到Lg(男同學, 唔係頭先果個妹妹仔), 佢話佢哋喺正門喎, 點知去到又無人, 搵黎搵去都未meet到...

靚女lecturer而家放break call我, 但係我見我啱啱同Pg散咗水, 又未搵到d同學, 無人揸機, 唯有同佢講要等佢放學先影得lu, sorry~~

行行吓, 又突然俾我撞見個朋友Ao, 原來佢又喺今屆畢業, 好興奮咁bala咗一陣, 佢搵咗佢d同學幫我哋影咗張相, 我當時兩隻手都攞住嘢, 所以無用到自己部機, 唔知張相幾時至攞得番lu, 走之前仲約定佢到畢業禮再影過.

終於見到Lg嘞, 但佢只係同佢緊family一齊, 佢都話唔知其他同學行咗去邊, 唉~~ 我已經來回咗正門同libra幾次喇, 幾時先搵得齊d同學呀??? 😐

Posted on 15/01/2007, in 四方頂戴. Bookmark the permalink. 發表留言.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: