全 家 先 有 福 ~~

仲係06年11月5號  :mrgreen:

一影完studio, 就怱怱忙忙咁走去AG接我d屋企人嘞, b妹(得3歲大嘅姪女)一見我就好驚咁, 唔肯俾反應我呀~~ 就算我話我扮緊halloween(佢之前參加過學校party,都係咁扮鬼扮馬), 都唔肯so我呀, 嗚嗚~~ 😦

花門爸今次好乖, 真係有黎.  平時我哋去飲茶, 佢總係推三推四, 一係就索性應承你, 但最後玩失蹤, 好鬼性格巨星o架! 我事前問佢, 佢都仲話唔黎, 話今日好忙喎...(激死~~) 咁我就話: 咁你今次就留番d時間俾我啦~~ 好唔好呀? 花門爸: 睇吓點啦~~ 😕

初初大家都仲未熱身, 所以都好似唔係好想影咁, b哥b妹就直情想返屋企咁樣(!), 而我呢... 就要影咗幾張近照先記得換鞋, 哈哈~~

今次嘅目標就係學校d”到此一遊”景點, 所以排隊都排到傻, 好彩我有一班青春活潑可愛動人又幫到手嘅好細妹啫~~ 我一直都吼實個足球場o架, 不過一路都有人踢緊波, 最後都係去唔到呀...

喺停車場側邊條樓梯景果陣, 花門姐夫終於都到喇~~ 即刻影張合照先慢慢傾.  

花門嫂俾b哥b妹食咗d糖, 無幾耐b哥都開始合作咗, 肯俾d樣黎睇吓, 到行番去M core果時, 兩隻嘢終於”糖”力發作, 癲到停唔到, 又話要追我掹我衫尾, 又要(係淨係要!)影我背面, 哈哈~~ 仲開始扮:獅子/恐龍/怪獸... (定自己呀???) 總之, 我次次睇番d相, 都仲係忍唔到笑, help~~ 😆

我本來諗住6姊妹影番張, 不過後來改變主意, 影全女班, 但係影完先發覺, 唔記得咗花門媽... -.-"

喺libra抱住b妹影果時, 佢係咁玩卷脷, 又發埋d怪聲, 笑死我哋呀~~

之後去A core, 影咗張我哋叫做 ”x府宴客”嘅相, 哈哈~~ 我都唔知點解會咁影o架? 不過真係好攪笑~~ 之後b哥仲開始搶鏡tim, 謀殺咗大家唔少mb.

唔知點解我頂帽成日都篤到花門3妹個頭, 哈哈~~ 佢梗係慣咗同人影貼紙相定嘞.

b哥今日都幫我影咗好多相o架, 呢~~ 果d我dup哂頭, 彎哂腰, 都係唔見咗個額頭, 又或者唔見咗其他嘢... 總之”鬆郁朦”果d, 咪就係佢嘅傑作lor~~ 😎

終於都影完相喇~~ 我先帶佢哋去我locker附近一個課室度休息, 等我執埋d嘢先去食飯, 走果時b哥問我: 姑姐, 妳係咪就係喺呢間課室度上堂o架? 我... 當時竟然唔識講嘢! 因為我真係唔sure有冇喺果個課室上過堂嘛~~ o桀o桀o桀~~

我哋果晚去咗「泰豐瘻」度食嘢, 果度d嘢都幾好食o架~~ 兩個小鬼雖然好肚餓, 但依然好反斗, 一直到食完嘢都仲好玩得.  

臨尾我行開咗一陣, 男友就想趁呢個時候埋單先, 不過最後都係不敵花門姐, 終於都請唔到呢餐, (我家姐喎~~ 咪當佢流嘅先得o架~~) 花門姐話呢個係我哋一家人嘅事, 所以要出公數, 唔准請喎. 😎

今日攪到老老嫩嫩都頻頻撲撲,  又熱又攰又餓, 真係唔好意思嘞... 🙄

Posted on 14/01/2007, in 四方頂戴. Bookmark the permalink. 發表留言.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: