影 樓 相

06年11月5號

今日就輪到我哋一家13口影相嘅大日子, 不過我事前會去學校影咗studio相先, heehee~~

原本係想同屋企人影studio o架, 不過佢寫明max只可以影9個人喎, 咁我哋有13個, 唔要邊個好呀??? 人唔齊就無意思啦, 所以最後選擇同男友影, 因為佢喺呢5年以黎, 真係support咗我好多, 又真係最應該同佢影嘅. 😳

有咗上次嘅經驗, 今日我準備咗好多大文件夾, 連戴帽都係用文件夾夾, 真係點fling都唔甩呀, 勁!  😈

上到15/F, 影studio嘅現場, 嘩~~ 比我想像中仲要多人, 男男女女畢業生都攞住一大紥花, 屋企人又圍住佢哋一齊等, 而我呢就... HAHA~~ 兩手fling fling, 連鞋都唔換, 仲着著對爛鬼converse四圍走, 又成身文件夾喎, 攪到行去邊都有人望, 最攪鬼都係有個小妹妹, 連屋企人都唔理, 成程企埋黎我度, 望到我實一實!  😯 哎呀~~ 咪咁啦~~ 我都想執得靚d o架... 😆

D工作人員都好nice, 而且影相嘅流程都幾快o架, 成條生產線, 分工又仔細, 而且入到影棚, 有工作人員會用好多好多扣針同髮夾, 幫我哋整理好個look, 真係good! 不過應該一早講嘛, 等我事前用咗咁多時間去整... (原本話唔包化妝, 仲諗住咩都要貴客自理tim.) 個工作人員見到我, 就笑哂咁話:”妳咩都攪掂哂喎~~ 犀利!”  嘿~~ 如果我一早知, 就一定留番俾妳幫我啦!

到我影喇~~

喺呢個時候, 我d屋企人就不斷call我, 好準時喎~~ 不過我唔聽得電話住呀! 我都想快d影完, 快d落黎join你哋嘛~~ 等多陣啦~~

先影單人相, 原來有張凳俾我哋坐低影, 可能係想每個畢業生都啱啱喺正盤花側邊, 又唔會遮哂個書櫃呱? 而佢哋又會一路有人幫我整好個look, haha~~ 都幾felt like a model o架, 不過個攝影師要求我打直果卷證書黎影, 乜咁樣靚d o架咩? 睇sample都唔係咁嘅? 真係要曬咗相出黎睇過, 先知佢點就個角度喇... 😕

之後就要行去另一邊影合照, 今次就要企定定喇, 佢哋用咗一個好重嘅夾, 夾住件袍嘅底部, 成件袍即刻又直又挺, 咦? Good idea喎~~ 真係相逢恨晚嘞... 攝影師讚我男友, 識得準備無鏡片嘅眼鏡, heehee~~ 梗係~~ 我有睇你哋俾嘅tips o架嘛~~ :mrgreen:

後記:

成個過程都好開心, 因為d工作人員個個都同我有講有笑, 但唔知係咪我論盡定點, 我哋每一part都有蝦碌嘢發生, 不過多數都係佢哋唔記得攞番我身上d道具, hahaha~~~ 😆

只係呢短短10分鍾都唔夠嘅photoshooting, 咁就無咗3舊幾喇... 😥

睇番佢哋俾我嘅coupon先知, 原來去佢哋正舖, 係可以影1x人嘅大合照o架, 不過就話個效果唔會好好lor, 耶~~ 早講吖~~ 😡

Posted on 12/01/2007, in 四方頂戴. Bookmark the permalink. 發表留言.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: