我 要 做 model \^o^/

06年10月28號

本來係想約一班朋友影相, 不過約唔成, 而前兩日d妹妹仔師姐(!)都想約今日同我影, 但係Zg要入黑先黎得... 所以, 最後就造就咗我今日自己一個人做硬照model 嘞~~ 😳

一返到去就不得了喇! 多人到~~ 😯 仲諗住第一個week未咁快有咁多人返黎影相o架嘛... 快d去妝扮先...

原來想用心慢慢去化妝, 係可以攪好耐o架, 唔~~ 下次都係化定d, 返黎補妝就算嘞. 

我原本以為自己好醒o架, 怕男友發霉, 所以俾定張學生証佢去上網, 點知張証一早俾學校disable咗, 入唔到CC, sorry喇~~

我哋諗住照番暑假嘅路線去影, 點知一開始就滑鐵盧lu, A core個草地插針都插唔入... 好彩我都預咗學校”到此一遊”嘅景點, 係留番同人合照先去影啫, :mrgreen:(人多易霸位嘛~~) 基本上, 除咗呢撻草地以外, 我哋都可以影到d background好clean嘅相, 而且仲因為唔係好識影, e.g 無用遮光罩, 個效果反而有驚喜! 😮 

男友越影越興奮, 我無耐就已經攰到成隻嘢咁, 哈哈~~ 你哋睇d相就知, 我個樣係幾咁唔耐煩o架喇~~ 😈

終於, 佢都頂唔住lu, 我哋就行番去A core, 點知都仲係好多人呀, 咁我哋就擔凳仔坐吓休息吓, 順便搵Zg睇吓佢幾時至過黎攞locker條鎖匙先.

之後過去火車站度影, 不過由於未試過咁影, 發現原來有好多嘢都做唔到, 又唔夠工具, 仲好難對得準個focus, 所以d相... 哈哈~~ 唔緊要啦, 都好有紀念價值嘅~~

行番去學校, 見到Zg就一輪咀提佢, 影相要咁要咁... 因為我今日紥住條辮仔, 再用髮夾夾住頂帽, 都好甩呀! 條藍帶仲成日跌膊! 好狼狽... 下次要準備多d大夾先... 不過唔知佢聽得幾多呢? 

之後影到我開始情緒失控... 執完嘢之後, 男友竟然仲想去海傍影喎! 哈哈~~ 我梗係唔會帶埋件袍去啦.  去到, 佢有佢好開心咁試相機, 我就忙於找尋失散嘅屋企人, 傾吓下個星期日影相嘅嘢...

今日真係好攰呀, 唔知下次仲捱唔捱到呢? 😉

Posted on 11/01/2007, in 四方頂戴. Bookmark the permalink. 發表留言.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: